Masasa Beach

Hiiiiiiiiiiii!!!!!!!!!!!!! It's been a while! Masyadong naging busy ang loley nyo. And now, it's time to post again another #DUDAYVENTURES! Yes! May pa-hashtag si mayora! LOL! This December 5-6, I decided to unwind in a not so far away island. FYI, budget friendly lang lagi ang target ko kaya ito pinili ko. Promise, abot kaya lang talaga pero ang view naman, WOW talaga! Dun ko narealize na ang dami pala talagang magandang tanawin sa Pilipinas. Yun lang sapat na para mapangiti ako. Start na natin ang tour? 

I decided to visit Masasa Beach in Batangas. Super budget friendly talaga sya at malayo sa maingay at magulong syudad. Magsimula tayo sa Buendia kung saan ako sumakay. Sumakay ako ng JAM Liner papuntang Batangas Grand Terminal (Php 157.00) tapos mula Grand Terminal, may mga jeep na pa-Anilao Port (Php 37.00). Para sa mga wala pang dalang pagkain, pwede kayo bumili dun dahil may talipapa naman dun, may kainan na rin ng lunch dun pero mas advisable na magbaon kayo ng pagkain kung gusto nyo talaga makatipid. Pagdating ng Anilao Port, magreregister kayo at magbabayad ng Php 30.00 para sa environmental fee. Itanong nyo kung may byahe pa na diretso Masasa Beach (kung meron, swerte nyo at i-push nyo na agad). Ang last trip nila ay 2pm. Swerte na nakaabot ako sa bangka na byaheng diretso Masasa Beach (Crown Jerus and name ng bangka). Ang pamasahe ay Php 100.00 kaya wag ka na mag-inarte dahil less hassle naman na yun. Halos isang oras ang byahe at ibababa ka na sa Masasa na mismo. 

Saan matutulog? Pwede ka magdala ng tent para tipid talaga or pwede ka magstay sa mga bahay bahay dun, marami namang nag-ooffer dun ng matutulugan. Murang mura lang naman bes ang overnight rate dun. Nasa Php 300.00 lang kada tao. Sulit na diba? Kung gusto mo ng may magandang view, ang marerecommend ko ay yung kay Ate Fhe! May duyan pa dun sa kanila at paggising mo, kitang kita mo agad ang dagat. Nakakarelax din kasi hampas ng alon ang maririnig mo bago ka matulog. Libre gamit sa mga pinggan, baso, lutuan dun kay Ate Fhe basta siguraduhin na ayusin kada tapos gamitin. Libre na nga lang bes diba kaya konting hiya naman, ligpitan nyo na yung mga ginamit nyo at ibalik sa pinagkuhanan. Kung cr naman hanap mo, meron din dun kay Ate Fhe at walang bayad. Sa iba kasi babayad ka ng Php 10.00. At isa pa, kung kay Ate Fhe kayo magstay, may bangka na susundo sa inyo pagkababa nyo dun sa pinakaport ng Masasa. Medyo malayo kasi dun sa bababaan yung kila Ate Fhe dahil malapit sila sa Lagoon (Oo, di mo na kelangan magbayad para makapunta sa lagoon. Panalo diba?). Eto ang view pag papunta kila Ate Fhe at kapag andun ka na mismo.

Galing kila Ate Fhe, walking distance lang ang lagoon kaya wag kang ano dyan. Lakad lakad lang ng mga 5-10 minutes at nasa lagoon ka na. Pag papunta ka dun, feeling mo nasa Ilocos ka lang dahil sa mga Rock Formations. Scroll down to see their famous lagoon (kasama ito sa package kapag nag-island hopping ka). Bakit ka pa mag-island hopping kung pwede naman lakarin na lang diba? 1500 pesos din yung island hopping. Nakatipid ka na diba!

Dyan ko din nasubukan ang Art of Balancing. Haha! Nag-enjoy naman ako. Akala ko madali lang yung ginagawa nila sa mga bato, mahirap din pala i-balance. Nakakaloka! Anyway, from Ate Fhe, pwede kayong maglakad lakad para makarating sa beach proper kung san pwede kayo magpakabutanding at maglangoy hanggang sa magsawa kayo. Sobrang linaw ng tubig nila. Promise! Ayaw mo maniwala, tingnan mo na lang yung photos sa baba.

Syempre hindi mawawala ang pinakapaborito ko kapag nagtatravel ---> SUNSET! Yes, I'm a confessed Sunset lover and forever will be. Let me share with you my forever love.

BREAKDOWN OF EXPENSES:

Bus fare (Buendia to Batangas Grand Terminal) = 157.00 x 2 (roundtrip)

Jeep fare (Grand Terminal to Anilao Port) = 37.00 x 2 (roundtrip)

Environmental Fee = 30.00

Bangka Fare = 100.00 x 2 (roundtrip)

------------------------------------------------------------------------------------------------------

TOTAL: 618.00 pesos

Kung gusto nyo naman ng murang matutuluyan, solid talaga kay Ate Fhe, sobrang bait pa! Here's her contact number ---> 09357385701. Mura din sa kanila ang snorkeling, Php 100.00 lang! Nung nagsnorkeling kami, nakakita kami ng napakalaking sea turtle. Ang cool lang. For sure hahanapan kayo ng bangkero nyo ng magandang view at kapag sinwerte, dun kayo sa kung nasan yung sea turtle. Enjoy! Go na sa Masasa Beach habang di pa crowded! 

Manuel Uy Beach

Nitong mga nakaraang buwan, ang dami kong pinagdaanan (dahil sa law school at sa buhay pag-ibig) kaya naisipan ko na bigyan naman ng reward ang sarili ko. Ang hirap, bes! Lahat na yata ng emosyon naramdaman ko na nitong nakaraang mga buwan. Hindi biro yung pinagdaanan ko ha! Pero salamat sa Diyos dahil nakasurvive ako. Bago sumabak sa madugong review, kinailangan ko munang mag-isip at magrelax. At dinala nga ako ng mga paa ko sa Batangas. Ichichikka ko sa inyo yung naging bakasyon ko. Maaga pa lang, umalis na ako sa bahay para maaga rin ako makarating sa Batangas. May sakayan ng van na pa-Calatagan sa likod ng Kabayan Hotel sa Pasay (malapit sa EDSA-Taft Station). Medyo matagal nga lang maghihintay dahil kelangan punuin yung van. Patience is a virtue, bes! Yung forever mo nga,ang tagal tagal na pero hinihintay mo pa rin, yang pagpupuno pa kaya ng van? HAHAHA! Kapag napuno na ang van, wala kang gagawin kundi maupo at matulog. Pwede ka rin naman mag-bus sa halagang 160 pesos pero medyo matagal ang byahe (for sure). Anyway, huwag ka mag-alala kasi hindi ka lalagpas sa destinasyon mo dahil sa Calatagan Market ang last stop ng byahe. Oo, dun titigil ang byahe mo katulad ng pagtigil ng byahe ng buhay pag-ibig mo. Chos! Pagbaba mo sa market, may mga tricycle na dun na naghihintay. Sabihin mo lang sa Manuel Uy Beach ka pupunta pero pwede mo rin naman i-text itong tricycle driver na nacontact ko. Text mo lang si Kuya Kiko (09203426812). Pero mas maganda kung the day before eh magtext ka na sa kanya para sure na masusundo kasi pag biglaan, baka may byahe sya. 200 pesos ang bayad from Calatagan Market to Manuel Uy Beach. Chillax ka lang sa tricycle habang nasa byahe. Pagdating sa Manuel Uy Beach, magbabayad muna ng 30 pesos na environmental fee bago tuluyang makapasok sa beach. Kelangan muna dumaan sa parang reception ng beach para magbayad ng entrance fee. Dahil overnight ako, 100 pesos ang bayad at dahil wala akong dalang tent, may pinaparent sila for 500 pesos. Pwede ka rin naman magdala ng sarili mong tent at magbabayad ka ng 50 pesos para sa tent pitching. Pagtapos nun, ibababa ka na ni kuya tricycle driver malapit sa bridge na kelangan mo tawirin para makapunta ka sa area kung saan pwede maglagay ng tent. Pumili ka ng magandang spot, bes. Wag yung basta basta na lang katulad ng basta mo na lang na pagpili sa ex mo dati. Haha! 

Syempre bago ka tuluyang tumawid sa liwanag, este sa bridge na ito, magpictorial ka muna. Bonggahan mo bes! Yung mahihiya yung mga nagpeprenup dahil sa pagiging kabogera ng pic mo. Pang cover photo or profile pic din yan sa social media accounts mo. Pag nakatawid ka na, yan na yung sinasabi kong hahanap ka na ng magandang spot kung san ka pipirmi. Hanapin mo yung perfect spot at hindi yung magmumukha kang nakikisiksik lang tulad ng lugar mo sa puso nya. Chaaaaar! 

Ayan, dyan ko ko nilagay yung tent ko para maganda pwesto. Malilim dahil may puno at dahil mabait sila kuya, may upuan sila na ipinahiram kaya kapag bored ka na sa tent mo, upo ka lang sa long bench tapos hayaan mo lang hawiin ng hangin yung buhok mo sabay kanta ng Sana Maulit Muli HAHAHA! Emotera! Huwag kang mag-alala kasi may tindahan naman dyan. Pwede ka bumili ng inumin mo or mga chichirya pero kung ako sa'yo, magdadala na lang ako para mas tipid or kung tamad ka naman magbitbit, dun ka na sa Calatagan Market bumili dahil mas mahal na kapag dun ka mismo sa may resort bumili. Kung naiihi ka naman, wag ka mag-alala dahil may CR din sila. 5 pesos para sa pag-ihi, 10 pesos sa paglalabas ng sama ng loob at 20 pesos para sa pagligo. Ang beach na ito ay para sa mga tao na gustong tahimik na paligid. Dahil nakatent ka lang, wag kang mag-expect na may kuryente. Bawal mag-inarte bes! Pero kung gusto mo talaga, pwede ka naman maki-tap ng kuryente sa halagang 120 pesos. May nag-aalok din ng island hopping kaya push mo bes kapag gusto mong magsunog talaga ng balat. 

Kung ang hanap mo ay lugar kung saan makakalma yung puso, kaluluwa at buong pagkatao mo, ito na talaga yung perfect na lugar para sa'yo. Maganda rin yung eksenang nagbabasa ka ng libro habang nakikinig sa player mo ng paborito mong kanta habang naririnig mo din yung bawat paghampas ng alon at habang dumadampi sa balat mo yung hangin. PERFECT! Scroll down ka lang para makita mo yung mga pic na kuha ko. Enjoy! Huwag ka ng magpatumpik tumpik pa, gora na agad sa Manuel Uy. TIP: Weekdays pumunta dito para hindi masyado matao dahil kapag weekends, madami daw talagang bisita. At wag mag-expect ng malalim na tubig dahil malapit ka na sa marker nila, di pa lumalagpas sa bewang mo ang tubig. Tamang chill lang talaga sa dagat. 

Syempre hindi ko nakalimutan ang forever love ko kapag nasa dagat - SUNSET!

Visita Iglesia 2017

Visita Iglesia is not really my thing but this year, I decided to do it. I know I needed this one to help me think and realize things. I must say that it really felt so good, finding peace in my soul especially in times of sorrow and pain. So as promised, I will be sharing my #dudayventures here from now on. Feel free to read my adventures. The following are the churches that I visited. Be ready to fall in love with the churches. 

1. PADRE PIO NATIONAL SHRINE

- The Parish of St. Padre Pio in San Pedro, Sto. Tomas, Batangas was initially established at the chapel of Barangay San Pedro on June 28, 2003. 

LOCATION: Sto. Tomas, Batangas

2. OUR LADY OF THE PILLAR PARISH

- This parish was built in 1815. Its titular is the Our Lady of the Pillar and its feast day is celebrated every October 12.

 LOCATION: Alaminos, Laguna

3. ST. PAUL THE FIRST HERMIT CATHEDRAL

- The Cathedral Parish of Saint Paul the First Hermit is also known as the San Pablo Cathedral. It's patron is St. Paul the First Hermit and its feast day is celebrated every January 15. However, upon visiting the church, its belfry is under construction.

LOCATION: San Pablo, Laguna

4. SAN BARTOLOME APOSTOL PARISH CHURCH

- It is a Roman Catholic church in Nagcarlan, Laguna, Philippines. Its titular is St. Bartholomew and its feast day is celebrated every August 24. 

LOCATION: Nagcarlan, Laguna

5. ST. JOHN THE BAPTIST PARISH

- St. John the Baptist Parish Church, also known as Liliw Church or Lilio Church, is one of the Roman Catholic churches in Liliw, Laguna, Philippines. Its feast is celebrated every August 29 known as the Martyrdom of St. John the Baptist.

LOCATION: Liliw, Laguna

6. ST. GREGORY THE GREAT PARISH 

- The San Gregorio Magno Parish Church, also known as Majayjay Church and St. Gregory the Great Parish Church, is one of the oldest Roman Catholic churches in the Philippines located in the municipality of Majayjay in Laguna.

LOCATION: Majayjay, Laguna

7. ST. MARY MAGDALENE PARISH 

- The Santa Maria Magdalena Parish Church is a Roman Catholic church in Magdalena, Laguna, Philippines under the Roman Catholic Diocese of San Pablo.

LOCATION: Magdalena, Laguna

8. TRANSFIGURATION OF OUR LORD PARISH

- The Transfiguration of Our Lord Parish Church is the only Roman Catholic church in Cavinti, Laguna, Philippines. Its titular patron is Señor del Trasfiguracion or commonly known as El Salvador del Mundo whose feast day is celebrated every August 6.

LOCATION: Cavinti, Laguna

So there, I was only able to visit 8 churches and it was very tiring but FUN! Don't forget your 3 wishes for every church (only if it's your first time there). However, the highlight of my Visita Iglesia is this one place that I've been longing to visit ever since I saw a documentary about it. Clue: this is not a church but this place is very historical. I'm talking about.....................................

NAGCARLAN UNDERGROUND CEMETERY! Yeeeeeees! The view will leave you speechless. It's amazing how people before were able to come up with this concept. It was built in 1845 as a public burial site and its underground crypt exclusively for Spanish friars, prominent town citizens and members of elite Catholic families. It also served as a meeting place of revolutionary leaders of the Katipunan in 1896. Moreover, it served as hideout for Filipino leaders during the Philippine-American War and of guerillas in World War II. Below are more photos of the place. Enjoy viewing!

And that sums up my Visita Iglesia 2017. I never knew that it would be fun. Different churches, different history, different meanings, different structures but they got one thing in common -> they bring you closer to God. Indeed, it is a place where you can talk to God. After the Visita Iglesia, I can say that I feel better. I finally realized the purpose of the pain that I am experiencing. I didn't know that I just need to talk to him and feel his presence to overcome this pain. Ut In Omnibus Glorificetur Dei! 

Mga Aral ng Pag-ibig

Hi! I'M BACK! It's been a while since the last time that I posted something here. Pasensya na mga bes, naging busy ang lola nyo. I just became preoccupied with school and everything and now that I am back, I will be posting my travel blogs again. Oo bes, magbabalik loob na ako sa pagtatravel. Matagal tagal ko din hindi nagawa magtravel mag-isa at makisama sa mga groups na nagtatravel. Pero hindi talaga yan ang pakay ng post ko na ito. Gusto ko lang muna ibuhos sa blog na ito yung nararamdaman ko. Tungkol ito sa sariwang sariwang pinagdadaanan ko -> BREAKUP. Ang sakit bes! Oo, break na kami. At dahil sa pangyayaring ito, may mga natutunan ako tungkol sa pag-ibig kaya makinig ka para di mo danasin yung naranasan ko kasi talagang manlulumo ka sa sobrang sakit.

(Photo grabbed from https://www.google.com.ph/search?q=heart+love&espv=2&source=lnms&tbm=isch&sa=X&ved=0ahUKEwj-74Lf1YnTAhUEhbwKHVRXAdIQ_AUIBigB&biw=1366&bih=662#imgrc=LMssTOMkK2XJxM:)

1. KAPAG NAG-AWAY KAYO, WAG MO HAHAYAANG MATAPOS ANG GABI NA HINDI KAYO NAG-UUSAP AT NAGKAKAAYOS

- Hindi naman perpekto ang isang relasyon. May mga araw at pagkakataon na talagang mag-aaway at magkakatampuhan kayo, simple man yan o malaking bagay. Pero ang mahalaga dun, pag-usapan nyo at wag nyo hayaan na matapos ang gabi nyo na hindi kayo nagkakaayos. Mahirap kasi at masakit sa puso. Masyadong mabigat sa pakiramdam yun bes. At syempre kapag pinalipas nyo ang araw na hindi kayo okay, meron at merong makakaisip sa inyo na siguro hindi sya ganon kaimportante dahil natitiis sya ng partner nya. At bes, wag na wag mo papaabutin ng ilang araw dahil habang nagpapalamig ka ng ulo, hindi mo namamalayan na nilalayo mo na pala yung mahal mo sayo. Make him/her feel important. Kung kaya naman pag-usapan, ayusin nyo na agad. Wag kayong pabebe!

2. MATUTO KANG IBABA ANG PRIDE MO

- Sa totoo lang, ako yung tipo na gusto ko ako ang laging sinusuyo dahil ang katwiran ko ako ang babae kaya ako dapat ang sinusuyo. PERO MALI YUN BES! Natutunan ko sa kakatapos ko lang na relasyon na hindi porke babae ka, ikaw na ang dapat sinusuyo. May pakiramdam din yang partner mo at gusto rin nila na maramdaman na importante sila at kasuyo-suyo. Minsan, kahit yung isa ang nagsimula ng away o tampuhan nyo, kelangan mo rin ibaba yung pride mo. Maniwala ka sakin, kapag mahal mo, magagawa mo talaga yan. Wala kasi mangyayaring mabuti kung magsasalubong ang galit nyo. Dapat may isang magpapakumbaba sa inyo para kumalma ang sitwasyon. Hindi sya madali bes, promise! Pero nagawa kong ibaba ang pride ko dahil mahal ko. Kelangan mo lang lambingin dahil minsan nagkakaproblema lang naman kapag di kayo nagkakaintindihan. Yung akala mo kung ano na pinuputok ng butchi nya, yun pala nagpapalambing lang. Tandaan: Mahirap talaga lunukin ang pride.....lalo na kung bareta. Charot! Pero seryoso, hindi madali na kainin mo ang pride mo para sa isang tao pero marirealize mo din na sa oras na kinaya mo, naggrow ka na dahil sa pagmamahal na yun. Yung tipong maiintindihan mo na mas mahalaga pa rin yung pagmamahal mo para sa taong yun kaysa sa pride. Aanhin mo ang pride mo kung dahil dun mawawala sya sayo. 

3. MAGING TOTOO KAYO SA ISA'T ISA

- Dito na tayo magkakatalo-talo. Sa isang relasyon, importante na maging totoo kayo sa isa't isa. No secrets, No lies! Kasi kung di naman magsasabi ng totoo, ano pang point na nasa relasyon kayo? Importante yan bes kasi dyan nabubuo yung tiwala ng partner mo sayo. Mahirap magtiwala sa isang tao kahit partner mo pa dahil nga nandyan yung takot sa puso mo na baka lokohin ka, baka saktan ka lang. Normal yang pakiramdam na yan pero darating ka sa punto na magsisimula kang magtiwala sa kanya. Please lang, kapag nagtiwala na sa inyo partner nyo, wag na wag nyo sirain dahil mahirap ibalik yun. Dama kita bes! Minsan na ako nagtiwala pero mula ng masira yun, hirap na hirap ako ibalik. Sinusubukan ko ibalik pero kapag magsisimula na naman akong magtiwala, nasisira na naman. Yung mga simpleng pagsasabi sa partner mo kung nasan ka talaga kapag tinatanong ka nya, mahalaga yan dahil kaya yan nagtatanong dahil nararamdaman nyang may mali. Kaya kapag nalaman nyang nagsinungaling ka sa kanya sa kahit ganon kasimpleng bagay, mabubuo yung tanong na "sa ganyan kaliit at kasimpleng bagay, di na nya magawang magsabi ng totoo, pano pa kaya kapag malalaking bagay na?". At pwede ba tantanan ako sa rason na "alam ko kasi magagalit ka sakin kaya di ko na sinabi". Bes, tandaan mo pagbuo ng tiwala ang pinag-uusapan dito. Maging honest ka para pagkatiwalaan ka nya. Oo, magagalit yung partner mo pero eventually, marirealize nya na mas okay na yung naging honest ka kaysa naman di nga sya nagalit pero di ka naman pala nagsabi ng totoo. Akala nyo maliit na bagay lang yun? Siguro sa tingin nyo, pero sobrang sakit nun sa puso lalo na kapag nalaman ng partner mo yung totoo. 

4. KAPAG AYAW NA NYA, BITAW NA

- Araaaaaay ha! Sapul na sapul ako dito bes! TSE! Kapag inayawan ka na ng partner mo, bumitaw ka na bes. Wag mo irarason sakin na "diba kapag mahal mo, dapat ipaglaban mo?". Ano pang ilalaban mo kung sya na mismo ang naunang sumuko? Para mong sinabing kakapit ka pa pero wala ka naman kakapitan. Oo, mahal mo nga pero tandaan mo, kung mahal ka din nya, hindi ka nya bibitawan ng ganon ganon lang. Wag mo na ipilit yung sarili mo sa kanya kapag sinabi na nyang ayaw na nya sayo. Tandaan mo, hindi ka sardinas para ipagsiksikan mo ang sarili mo. Ang tawag dun "katangahan". Oh teka, alam ko may negative reaction dito. Na kapag hindi pinaglaban, mahina ka na? Hindi ganon yun! Kaya ka bibitaw na kasi may natitira ka pang respeto sa sarili mo. Dyan naman ako nagkulang. Haha! Ilang beses na nga sinabi sa akin na ayaw na nya pero pinipilit ko pa rin dahil nananalig ako na kaya pang ayusin ang lahat. Nakarelate ka no? Bes, ang salamin kapag nabasag na, hindi mo na maaayos ulit. Magtira ka ng pagmamahal para sa sarili mo. Kung ayaw mo naman agad bumitaw dahil nga nananalig kang masosolusyunan pa (tulad ng nangyari sakin), sige hahayaan kita na ilaban mo pero please lang, kung wala na talaga at ayaw na talaga nya, tama na. Di porke libre maging tanga, gagawin mo ng hobby. Ikaw na lang ang nananakit sa sarili mo kapag paulit-ulit mong nilaban. Nanghihinayang ka sa mga pinagdaanan nyo? Ay te, WAG! Sya nga hindi nanghinayang sa lahat ng memories at pinagdaanan nyo kaya bakit ka manghihinayang? Okay, plastik ako dun. Nanghinayang ako hindi dahil sa memories at mga nalagpasan namin. Nanghinayang ako kasi hinayaan nyang mawala yung tao na minahal at mamahalin sya ng totoong totoo at hindi dahil sa kung anong meron sya kundi dahil sa kung ano at sino sya. Kung ginawa at binigay mo naman na lahat ng kaya mo para i-save yung relationship nyo, wag ka na malungkot dahil alam mo sa sarili mo na hindi ka nagkulang. Sabi nga ng kanta ni Aiza Seguerra "ako ba ang syang nagkulang? O ikaw ang di lumaban?". Oo, mahirap bumitaw pero kelangan mo yan bes. Wag mo hayaan na lamunin ka ng kalungkutan. Deserve mo maging maligaya pero pano ka liligaya kung di ka pa nakakalet go? Kaya uulitin ko sayo, AYAW NA NYA SAYO, BITAW NA! Masakit mabasa? Isa pa, AYAW NA NYA SAYO, BITAW NA! Uulitin ko, AYAW NA NYA SAYO. Ay wait, nasabi ko na bang AYAW NA NYA SAYO? Haha! 

At ang pinakahuli kong natutunan............

5. HINDI PALA SAPAT ANG PAG-IBIG LANG

- Sabi nga ng kanta "Sometimes, love just ain't enough". Akala ko dati sapat na yung mahal nyo yung isa't isa para magtagal kayo at magkaroon ng sarili nyong version ng "forever" pero maling mali pala ako. Minsan, kahit gano nyo pa kamahal ang isa't-isa, meron at meron pa rin na magiging hadlang sa inyo. May dalawa kang pwedeng gawin dyan: Ipaglaban mo o Bitawan mo. Laban o Bawi?! Pera o Bayong?! Kwarta o Kahon?! Haha! May mga magsasabi na kapag mahal nyo talaga ang isa't isa, ipaglalaban mo. Hindi ganyan ang tunay na labanan bes. Minsan kasi kahit ipaglaban mo, lalo lang kayo mapapasama sa paningin ng mga tao sa paligid nyo. Baka sadyang hindi pa talaga tama ang "timing" ng love story nyo o ang mas masakit na posibilidad, hindi lang talaga kayo para sa isa't isa. Aray! Biglang bumalik lahat ng sakit bes! Yung okay na okay naman kayo, ang saya saya nyo pa nga at talagang mahal nyo ang isa't isa, yung akala ng mga tao sa paligid nyo kayo na magkakatuluyan pero biglang dumating yung araw na sa isang kisapmata, natapos yung storya nyo. Gusto mo itanong bakit kelangan na ganon mangyari pero bes mas mahihirapan ka kung puro tanong. Bakit ganito? Bakit ganyan? Bakit? BAKIIIIIIT?! Mas makakabuti na tanggapin mo na lang ng maluwag sa dibdib. Alam ko, hindi madaling gawin, mas madaling sabihin lang pero maniwala ka, malalagpasan mo yan. I've been there. Marirealize mo din na kahit pala gano nyo kamahal ang isa't isa, yung akala nyong almost perfect na yung pagsasama nyo, hindi yun sapat para magarantiya yung "forever" nyo. Sabi nga ng mga bitter "walang forever". Pero dahil wala daw forever, ibig bang sabihin nyan wala ding forever alone? May point!

Tandaan, may dahilan kung bakit nangyayari ang lahat. Masakit? Iiyak mo lang yan bes! Ako nga halos dalawang linggo umiyak at nagmukmok. Hahaha! Maniwala ka, darating ka rin sa point na ikaw mismo mapapagod na umiyak at magmukmok. Kapag nangyari yun, handa ka na magmove on at magbukas ng panibagong yugto ng buhay mo. Laban lang! Marami pang araw ang darating sayo. At isa pa, hindi naman ibibigay ni Lord sayo yang pagsubok na yan kung alam nyang di mo kaya. Isipin mo na lang na sadyang may mga tao talaga na pinakilala lang ni Lord sayo dahil may papel kang kelangang gampanan sa buhay nya at ganon din sya sayo. Hindi lahat ng pinapakilala ni Lord ay mananatili sa buhay mo. People come and go ika nga nila. Kung mawala man sya sa'yo, tandaan mo na lang na kung talagang para kayo sa isa't isa, babalik at babalik sya sa buhay mo. Pero sa ngayon, kelangan mo na lang muna isara yung pahina ng nakaraan mo at magsimula ulit para sa hinaharap. KAPIT LANG BES! Darating ang araw na maiintindihan mo kung bakit nangyari sayo yan at mararamdaman mo ang nag-uumapaw na blessings ni Lord. Kaya sa mga may pinagdadaanan din ngayon, daanan nyo lang, wag nyo tambayan. One last piece of advice, WAG KA MAPAPAGOD MAGMAHAL. Darating din ang tamang tao sa tamang panahon na magbibigay ng tamang pagmamahal na deserve mo kapag tama na ang lahat sa buhay mo.